قازاقستان رەسپۋبليكاسى اۋىل شارۋاشىلىعى مينسيترلىگىنىڭ بۇيرىعى  №19-1/275

  2015 جىلعى 30 ناۋرىز,  استانا قالاسى اۋماقتىق سۋلاردا (تەڭىزدە) ءجۇزۋ جانە شارۋاشىلىق, زەرتتەۋ, ىزدەستىرۋ جانە كاسىپشىلىك جۇمىستارىن جۇرگىزۋ قاعيدالارىن بەكىتۋ تۋرالى قازاقستان رەسپۋبليكاسىنىڭ 2003 جىلعى 9 شىلدەدەگى سۋ كودەكسىنىڭ 37-بابى 1-تارماعىنىڭ 7-6) تارماقشاسىنا سايكەس بۇيىرامىن: 1. قوسا بەرىلىپ وتىرعان اۋماقتىق سۋلاردا (تەڭىزدە) ءجۇزۋ جانە شارۋاشىلىق, زەرتتەۋ, ىزدەستىرۋ جانە كاسىپشىلىك جۇمىستارىن جۇرگىزۋ قاعيدالارى بەكiتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ سۋ رەسۋرستارى كوميتەتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاس­تىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى اۋىل شارۋاشىلىعى ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ اۋىل شارۋاشىلىعى ءمينيسترى ا.مامىتبەكوۆ «كەلىسىلگەن» «كەلىسىلگەن» قازاقستان رەسپۋبليكاسىنىڭ قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى قورعانىس ءمينيسترى ___________ ءا.يسەكەشەۆ ___________ ي.تاسماعامبەتوۆ 2015 جىلعى 21 ءساۋىر 2015 جىلعى 10 ءساۋىر «كەلىسىلگەن» «كەلىسىلگەن» «كەلىسىلگەن» قازاقستان رەسپۋبليكاسىنىڭ قازاقستان رەسپۋبليكاسىنىڭ قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنىڭ ىشكى ىستەر ءمينيسترى ەنەرگەتيكا ءمينيسترى توراعاسى___________ ن.ابىقاەۆ ___________ ق.قاسىموۆ ___________ ۆ.شكولنيك 2015 جىلعى 12 مامىر 2015 جىلعى 24 ءساۋىر 2015 جىلعى 4 ءساۋىر قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 30 ناۋرىزداعى №19-1/275 بۇيرىعىمەن بەكىتىلگەن اۋماقتىق سۋلاردا (تەڭىزدە) ءجۇزۋ جانە شارۋاشىلىق, زەرتتەۋ, ىزدەستىرۋ جانە كاسىپشىلىك جۇمىستارىن جۇرگىزۋ قاعيدالارى 1. جالپى ەرەجەلەر 1. وسى اۋماقتىق سۋلاردا (تەڭىزدە) ءجۇزۋ جانە شارۋاشىلىق, زەرتتەۋ, ىزدەستىرۋ جانە كاسىپشىلىك جۇمىستارىن جۇرگىزۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ 2003 جىلعى 9 شىلدەدەگى سۋ كودەكسىنە سايكەس ازىرلەندى جانە اۋماقتىق سۋلاردا (تەڭىزدە) ءجۇزۋ جانە شارۋاشىلىق, زەرتتەۋ, ىزدەستىرۋ جانە كاسىپشىلىك جۇمىستارىن جۇرگىزۋ ءتارتىبىن ايقىندايدى. 2. وسى قاعيدالارولاردىڭ تيەسىلىگىنە قاراماستان, اۋماقتىق سۋلاردا (تەڭىزدە) ءجۇزۋدى جانە شارۋاشىلىق, زەرتتەۋ, ىزدەستىرۋ جانە كاسىپشىلىك جۇمىستارىن جۇرگىزۋدى جۇزەگە اسىراتىن بارلىق كەمەلەرگە قولدانىلادى. 3. وسى قاعيدالاردا مىناداي ۇعىمدار پايدالانىلادى: 1) زەرتتەۋ جۇمىستارىن جۇرگىزۋ, زەرتتەۋ قىزمەتى – گيدروگرافيالىق, گيدرولوگيالىق, گيدرومەتەورولوگيالىق, گيدروحيميالىق جانە گەوفيزيكالىق جۇمىستاردى جۇرگىزۋگە بايلانىستى قىزمەت, سونداي-اق سۋلار مەن تەڭىز ءتۇبى فلوراسىنىڭ, فاۋناسىنىڭ جاي-كۇيىن زەرتتەۋ; 2) كاسىپشىلىك جۇمىستاردى جۇرگىزۋ, كاسىپشىلىك قىزمەت – بالىقتاردى, باسقا سۋ جانۋارلارىن جانە وسىمدىكتەردى ۇستاۋعا جانە قورعاۋعا بايلانىستى كەز كەلگەن جۇمىس; 3) شارۋاشىلىق جۇمىستارىن جۇرگىزۋ, شارۋاشىلىق قىزمەت – اۋماقتىق سۋلارداعى (تەڭىزدەگى) كەمەلەردە جۇزەگە اسىرىلاتىن بارلىق جۇمىستار مەن قىزمەتتەردىڭ تۇرلەرى; 4) ىزدەستىرۋ جۇمىستارىن جۇرگىزۋ, ىزدەستىرۋ قىزمەتى – سۋ ءتۇبىن زەردەلەۋگە جانە پايدالى قازبالاردى ىزدەۋگە بايلانىستى گەولوگيالىق جۇمىستار جۇرگىزۋ. 4. تەڭىز پورتتارى ايدىنىنىڭ شەگىندە جانە كەمە قوزعالىسىن باسقارۋ قىزمەتتەرىنىڭ ءىس-قيمىلى ايماعىندا ءجۇزۋ جانە شارۋاشىلىق, زەرتتەۋ, ىزدەستىرۋ جانە كاسىپشىلىك جۇمىستارىن جۇرگىزۋ كەزىندە «ساۋدا ماقساتىندا تەڭىزدە ءجۇزۋ تۋرالى» 2002 جىلعى 17 قاڭتارداعى قازاقستان رەسپۋبليكاسى زاڭىنىڭ 4-بابى 3-تارماعىنىڭ 55-11) تارماقشاسىنا سايكەس بەكىتىلگەن قازاقستان رەسپۋبليكاسىنىڭ تەڭىز پورتتارىندا جانە ولارعا كىرەبەرىستەردە كەمەلەردىڭ ءجۇزۋ جانە تۇراقتا تۇرۋ قاعيدالارى ساقتالادى. 2. اۋماقتىق سۋلاردا (تەڭىزدە) ءجۇزۋ جانە شارۋاشىلىق, زەرتتەۋ, ىزدەستىرۋ جانە كاسىپشىلىك جۇمىستارىن جۇرگىزۋ ءتارتىبى 5. مەملەكەتتىك جانە مەملەكەتتىك ەمەس كەمەلەردىڭ, مۇز ۇستىمەن جىلجيتىن قۇرالداردىڭ ورنالاسۋ پۋنكتەرىنەن شىعۋ (شىعارىلۋ) قۇجاتتارىن رەسىمدەۋ, ايلاقتاردى, كەمە تۇراقتارىن, ورنالاسۋ پۋنكتتەرىن, مەملەكەتتىك جانە مەملەكەتتىك ەمەس كەمەلەردى, مۇز ۇستىمەن جىلجيتىن قۇرالداردى ۋاقىتشا ەسەپكە قويۋ, كۇتىپ-ۇستاۋ, سونداي-اق جابدىقتاۋ «Iشكi سۋ كولiگi تۋرالى» 2004 جىلعى 6 شىلدەدەگى قازاقستان رەسپۋبليكاسى زاڭىنىڭ 9-بابى 1-تارماعىنىڭ 26-16) تارماقشاسىنا سايكەس بەكىتىلگەن كەمەلەردىڭ پورتقا كىرۋ جانە ولاردىڭ پورتتان شىعۋ, كەمەلەردىڭ پورت اكۆاتورياسى شەگىندە ءجۇزۋى مەن پورتتا تۇرۋ قاعيدالارىنا سايكەس جۇزەگە اسىرىلادى. 6. اۋماقتىق سۋلاردا (تەڭىزدە) ءجۇزۋ كەزىندە مەملەكەتتىك جانە مەملەكەتتىك ەمەس كەمەلەر, شەتەلدىك اسكەري ەمەس كەمەلەر جانە اسكەري كورابلدەر ناۆيگاتسيالىق-گيدروگرافيكالىق جابدىقپەن قامتاماسىز ەتىلگەن قوزعالىس جولدارىن ۇستانادى. 7. «قازاقستان رەسپۋبليكاسىنىڭ مەملەكەتتىك شەكاراسى تۋرالى» 2013 جىلعى 16 قاڭتارداعىقازاقستان رەسپۋبليكاسى زاڭىنىڭ 50-بابى 3-تارماعىنا سايكەس شەتەلدىك اسكەري كورابل قازاقستان رەسپۋبليكاسى بەلگىلەگەن اۋماقتىق سۋلاردا (تەڭىزدە) ءجۇزۋ ءتارتىبىن بۇزعان جاعدايدا, قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى (بۇدان ءارى –شەكارا قىزمەتى)جانە قازاقستان رەسپۋبليكاسىنىڭ قارۋلى كۇشتەرى ودان اۋماقتىق سۋلاردى (تەڭىزدى) دەرەۋ تاستاپ شىعۋدى تالاپ ەتەدى. 8. اۋماقتىق سۋلاردا (تەڭىزدە) سۇڭگۋىر قايىقتار مەن باسقا سۋ استى كولىك قۇرالدارى سۋ بەتىندە جۇرەدى جانە وزدەرىنىڭ تۋلارىن كوتەرەدى. 9. مەملەكەتتىك جانە مەملەكەتتىك ەمەس كەمەلەر, شەتەلدىك اسكەري ەمەس كەمەلەر جانە اسكەري كورابلدەر قازاقستان رەسپۋبليكاسىنىڭ اۋماقتىق سۋلارىنداعى (تەڭىزدەگى) كەمەلەردىڭ سوقتىعىسۋىنا جول بەرمەيدى. 10. اۋماقتىق سۋلار (تەڭىز) ارقىلى ءوتۋدى جۇزەگە اسىرۋ كەزىندە يادرولىق قوزعالتقىشى بار شەتەلدىك اسكەري ەمەس كەمەلەردىڭ جانە اسكەري كورابلدەردىڭ, سونداي-اق يادرولىق جانە باسقا قاۋىپتى نەمەسە ءوزىنىڭ تابيعاتى بويىنشا ۋلى زاتتاردى تاسىمالدايتىن كەمەلەردىڭ بورتتارىندا قۇجاتتارى بولۋى ءتيىس جانە وسىنداي كەمەلەر ءۇشىن قازاقستان رەسپۋبليكاسىنىڭ حالىقارالىق كەلىسىمدەرى مەن شارتتارىندا بەلگىلەنگەن ەرەكشە ساقتىق شارالارىن ساقتايدى. 11. اۋماقتىق سۋلاردا (تەڭىزدە) شارۋاشىلىق, زەرتتەۋ, ىزدەستىرۋ جانە كاسىپشىلىك جۇمىستارىن جۇرگىزۋ شەكارا قىزمەتىن حاباردار ەتە وتىرىپ, جۇزەگە اسىرىلادى. جانۋارلار الەمىن قورعاۋ, ءوسىمىن مولايتۋ مەن پايدالانۋ جانە ەرەكشە قورعالاتىن تابيعي اۋماقتار سالاسىنداعى ۋاكىلەتتى ورگاننىڭ لاۋازىمدى ادامدارى وزدەرىنىڭ فۋنكتسيونالدىق مىندەتتەرىن ورىنداۋ ءۇشىن ءجۇزۋ قۇرالدارىمەن جانە وزگە دە كولىك قۇرالدارىمەن اۋماقتىق سۋلارعا (تەڭىزگە) شىعۋدى حابارلاۋسىز, شەكارا قىزمەتىمەن كەلىسىلگەن تىزىمدەر بويىنشا جۇزەگە اسىرادى. ءتىزىم بەس جۇمىس كۇنى ىشىندە كەلىسىلەدى. 12. قازاقستان رەسپۋبليكاسىنىڭ اۋماقتىق سۋلارىندا (تەڭىزدە) تەڭىز عىلىمي زەرتتەۋلەرىن, ىزدەستىرۋ قىزمەتىن جۇرگىزۋگە نيەتى بار قازاقستان رەسپۋبليكاسىنىڭ مەملەكەتتىك ورگاندارى مەن حالىقارالىق ۇيىمدار ولاردى شەكارا قىزمەتىمەن كەلىسەدى جانە قازاقستان رەسپۋبليكاسى قارۋلى كۇشتەرىنىڭ اسكەري-تەڭىز كۇشتەرى گيدروگرافيكالىق قامتاماسىز ەتۋ قىزمەتىنە جۇمىستاردىڭ باستالۋىنىڭ بولجامدى كۇنىنە دەيىن كەمىندە ون كۇنتىزبەلىك كۇن بۇرىن: 1) شاعىن كولەمدى وزدىگىنەن جۇزەتىن جانە وزدىگىنەن جۇزبەيتىن ء(سۋۇستى جانە سۋاستى) كەمەلەردىڭ (قۇرالداردىڭ) جانە مۇز ۇستىمەن جىلجيتىن قۇرالداردىڭ اۋماقتىق سۋلارعا (تەڭىزگە) جانە ىشكى سۋلارعا شىعۋ ماقساتتارى, ۋاقىتى جانە مارشرۋتى (اۋداندارى), ولاردىڭ تيپتەرى جانە تىركەۋ نومىرلەرى, سونداي-اق تىركەلىمگە الۋ ورىندارى; 2) جوبانىڭ سيپاتى مەن ماقساتتارى; 3) كەمەنىڭ اتاۋىن, ءتيپى مەن سىنىبىن جانە عىلىمي جابدىقتىڭ سيپاتتاماسىن قوسا العاندا, قولدانىلاتىن ءادىس پەن قۇرالدار; 4) جوبا جۇرگىزىلەتىن اۋداندار ءبويىنشادال گەوگرافيالىق دەرەكتەر; 5)زەرتتەۋ كەمەلەرىنىڭ العاشقى كەلۋىنىڭ جانە سوڭعى كەتۋىنىڭ نەمەسە ءتيىستى جاعدايلاردا جابدىقتى ورنالاستىرۋدىڭ جانە الۋدىڭ بولجامدى كۇندەرى; 6) جوباعا جاۋاپتى ۇيىمنىڭ اتاۋى, باسشىسى جانە ادامى تۋرالى تولىق اقپاراتتى ۇسىنادى. 13. قازاقستان رەسپۋبليكاسىنىڭ اۋماقتىق سۋلارىندا (تەڭىزدە) شارۋاشىلىق, زەرتتەۋ, ىزدەستىرۋ جانە كاسىپشىلىك جۇمىستارىن جۇرگىزۋ حالىق دەنساۋلىعىنا, ەكولوگيالىق جانە وزگە دە قاۋىپسىزدىگىنە نۇقسان كەلتىرمەۋى نەمەسە وسىنداي نۇقسان كەلتىرۋ قاۋپىن تۋدىرماۋى, سونداي-اق قازاقستان رەسپۋبليكاسىنىڭ مەملەكەتتىك شەكاراسىن ۇستاۋعا جانە شەكارا قىزمەتىنە مىندەتتەرىن ورىنداۋعا كەدەرگى جاساماۋى ءتيىس. 14. زەرتتەۋ قىزمەتى تەك بەيبىت سيپاتتا بولۋى جانە قازاقستان رەسپۋبليكاسىنىڭ قورعانىسى مەن قاۋىپسىزدىگىنە قاتەر توندىرمەۋى ءتيىس. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 18 ماۋسىمداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11391 بولىپ ەنگىزىلدى.